චීන මාධ්ය සමූහයේ 2026 වසන්ත උත්සව ඔපෙරා ගාලා රාත්රී ප්රසංගයේ ප්රවර්ධන උත්සවයක් අද (09) බෙයිජිං හිදී පැවැත්විණ. චීන මාධ්ය සමූහය, Guangxi Zhuang ස්වායත්තය, චීන නාට්ය සංගමය, චීන නාට්ය කලා ජාතික ඇකඩමිය සහ අනෙකුත් අදාළ සංවිධානවල නිලධාරීන් මෙන්ම රට පුරා සිටින කීර්තිමත් හා තරුණ පරපුරේ ඔපෙරා කලාකරුවන් ද මෙම අවස්ථාවට සහභාගී වූහ.
චීන මාධ්ය සමූහයේ 2026 වසන්ත උත්සව ඔපෙරා ගාලා රාත්රී ප්රසංගය ප්රථම වරට Guangxi Zhuang ස්වායත්තයේදී පැවැත්වේ. මෙම රාත්රී ප්රසංගය කැපී පෙනෙන සාම්ප්රදායික චීන සංස්කෘතියෙන් ආභාසය ලබා ඇති අතර සාම්ප්රදායික කලාවන් සමකාලීන දීප්තියෙන් බැබළීමට උපකාර කිරීම සඳහා තාක්ෂණික නවෝත්පාදනයන් භාවිතා කරයි. එමෙන්ම, ඊට ආසියන් සංගම් රටවල් කිහිපයක සංස්කෘතික අංග ඇතුළත් කර ගනිමින්, ශිෂ්ටාචාර හා මිනිසුන් අතර සම්බන්ධතාවය මෙන්ම අන්යෝන්ය ඉගෙනීම පිළිබඳ ජාත්යන්තර වාතාවරණයක් ද ඉදිරිපත් කරයි.
චීන මාධ්ය සමූහයේ 2026 වසන්ත උත්සව ඔපෙරා ගාලා රාත්රී ප්රසංගය පෙබරවාරි මාසයේ 18වැනිදා CCTV-1 නාලිකාව සහ CCTV-11 නාලිකාව ඔස්සේ විකාශය කෙරේ. ඊට සමගාමීව, එය චීන මාධ්ය සමූහයේ විවිධ නව මාධ්ය වේදිකාවල ද විකාශය කෙරෙනු ඇත.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි