ජපානය සැබවින්ම චීනය සමඟ අන්යෝන්ය වශයෙන් උපායමාර්ගික හා වාසිදායක සම්බන්ධතාවයක් වර්ධනය කර ගැනීමට කැමති නම්, වහාම තම වැරදි ප්රකාශ ඉල්ලා අස්කර ගත යුතු බව චීන විදේශ අමාත්යාංශය පවසයි.
එහි ප්රකාශිකා Mao Ning මහත්මිය අද(21) පැවති නිත්ය මාධ්ය හමුවේදී මේ බව ප්රකාශ කළාය.
චීනය සමඟ අන්යෝන්ය වශයෙන් උපායමාර්ගික හා වාසිදායක සම්බන්ධතාවයක් වර්ධනය කර ගැනීම පිළිබඳ ජපානයේ ස්ථාවරය වෙනස් නොවන බව ජපාන අගමැතිනි Sanae Takaichi අද(21) පැවසුවාය.
ඒ සම්බන්ධයෙන් Mao Ning මහත්මිය ප්රතිචාර දක්වමින් පැවසුවේ, ජපාන අගමැතිනිය චීනයේ තායිවාන ප්රදේශය පිළිබඳව වැරදි ප්රකාශයක් කරමින්, තායිවාන සමුද්ර සන්ධියේ ජපාන හමුදා මැදිහත්වීමක් සිදුවිය හැකි බවට අදහස් කළ අතර, එය චීන ජනතාව තුළ දැඩි කෝපයක් සහ හෙළා දැකීමක් ඇති කිරීමට හේතු වී තිබෙන බවත් චීනය මෙයට තරයේ විරුද්ධ වන බවත් ය.
ජපානය සැබවින්ම චීනය සමඟ අන්යෝන්ය වශයෙන් උපායමාර්ගික හා වාසිදායක සම්බන්ධතාවයක් වර්ධනය කර ගැනීමට බලාපෙරාත්තු වුවහොත්, චීනය කෙරෙහි දුන් පොරොන්දු ප්රායෝගිකව ඉටු කළ යුතු බව ද Mao Ning මහත්මිය වැඩිදුරටත් කියා සිටියාය.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි