ඇමරිකා වාණිජ දෙපාර්තමේන්තුව ඊයේ(29) අපනයන පාලනය පිළිබඳ නව රෙගුලාසියක් නිකුත් කළේය. ඒ අනුව ඇමරිකාවේ‘අපනයන පාලන ලැයිස්තුවට’ඇතුළත් වූ සමාගම් වල කොටස් 50%කට වඩා හිමි අනුබද්ධ සමාගම් වෙත සමාන අපනයන සීමා පැනවේ.
ඇමරිකාවේ එම තීරණය, ජාතික ආරක්ෂක සංකල්පය අනිසි ලෙස යෙදීමේ හා අපනයන පාලනය අයුතු ලෙස භාවිත කිරීමේ ආදර්ශයක් බව චීන වාණිජ අමාත්යංශයේ ප්රකාශකයෙක් ඊයේ පැවසීය. ඉන් අදාළ සමාගම්වල නීත්යනුකූල අයිතිවාසිකම්වලට හානි සිදු වන අතර ජාත්යන්තර ආර්ථික හා වෙළඳ පටිපාටිය, ගෝලීය නිෂ්පාදන හා සැපයුම් දාමවල ආරක්ෂාව හා ස්ථාවරත්වය දැඩි ලෙස විනාශ වන බව ද ඔහු කියා සිටියේය.
චීනය ඊට දැඩි ලෙස විරෝධය පළ කරයි. චීන සමාගම්වල නීත්යනුකූල අයිතිවාසිකම් රැකගැනීම වෙනුවෙන් චීනය අත්යවශ්ය පියවර ගනු ඇතැයි ද චීන වාණිජ අමාත්යංශයේ ප්රකාශකයා අවධාරණය කළේය.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි