චීන විදේශ අමාත්යංශයේ ප්රකාශක ලින් ජියන් මහතාගේ ප්රධානත්වයෙන් අද(4) බෙයිජිංහිදී නිත්ය මාධ්ය හමුවක් පැවැත්විණ. වාර්තාකරුවෙකු සඳහන් කළ පරිදි, ජපාන අගමැතිනිය පසුගිය දා (3) මන්ත්රී මණ්ඩලයේ පූර්ණ සැසියකදී ‘චීන-ජපන් ඒකාබද්ධ ප්රකාශය’ උපුටා දක්වමින් ‘තායිවාන ප්රදේශය චීනයේ භූමියෙන් වෙන් කළ නොහැකි කොටසක්’ යන චීන රජයේ ස්ථාවරය පිළිබඳව තේරුම් ගෙන ඊට ගෞරවය ප්රකාශ කළ බව ඇතැම් මාධ්ය ආයතන වාර්තා කළේය. මේ සම්බන්ධයෙන් චීනයේ අදහස කුමක් දැයි එම වාර්තාකරුවා විමසීය.
සත්යාපනය කිරීමෙන් පසු අදාළ වාර්තා සාවද්ය යැයි ලින් ජියන් මහතා පෙන්වා දී තිබේ. ඓතිහාසික ලියවිලිවල, තායිවාන ප්රශ්නය පිළිබඳ මූලධර්මය පැහැදිලිව සඳහන් වී තිබේ. ඒවා නොතකා, චීනයෙන් නැවත නැවතත් ප්රශ්න කිරීම් සහ ජපාන අභ්යන්තරයෙන් හා ජාත්යන්තර ප්රජාවෙන් ලැබුණු විවේචන හමුවේ, Takaichi Sanae, “ස්ථාවරයේ වෙනසක් නැත” යන අපැහැදිලි ප්රකාශය පමණක් පළ කර ඇත. එබඳු වාචික උපාය චීනයට පිළිගත නොහැක්කක් බව ලින් ජියන් මහතා අවධාරණය කළේය.
About The Author
More Stories
චීන මහජන දේශපාලන උපදේශක සභාවේ 14වැනි ජාතික කමිටුවේ සිව්වන සැසිවාරය පිළිබඳ මාධ්ය හමුව මාර්තු 3වැනිදා පැවැත්වේ
මැද පෙරදිග ප්රදේශයේ තත්ත්වය පිළිබඳව චීන-රුසියානු විදේශ අමාත්යවරුන් අතර දුරකථන සාකාච්ඡාවක්
ඉරාන උත්තරීතර නායකයා ඝාතනය කිරීම චීනය දැඩිව හෙළා දකී