විදේශීය

සැප්තැම්බර් මාසයේ චීන භාණ්ඩ ප්‍රවාහන කර්මාන්තයේ සෞභාග්‍යතා දර්ශකය නිකුත් කෙරේ

චීන භාණ්ඩ ප්‍රවාහන සහ මිලදී ගැනීමේ සම්මේලනය අද (11) සැප්තැම්බර් මාසයේ චීන භාණ්ඩ ප්‍රවාහන කර්මාන්තයේ සෞභාග්‍යතා දර්ශකය නිකුත් කළේ ය.

සැප්තැම්බර් මාසයේදී චීන භාණ්ඩ ප්‍රවාහන කර්මාන්තයේ සෞභාග්‍යතා දර්ශකය 51.5%ක් ලෙස වාර්තා වූ අතර, එය පෙර මාසයට සාපේක්ෂව 0.6%කින් ඉහළ ගොස් තිබේ. එම දර්ශකය අඛණ්ඩව මාස පහක් පුරා වර්ධන ප්‍රවණතාවක පැවතීම ද විශේෂත්වයකි. නව ඇණවුම් දර්ශකය 51.2%ක් වූ අතර, එය පෙර මාසයට සාපේක්ෂව 0.4%කින් ඉහළ ගොස් තිබේ. එම දර්ශකය ද අඛණ්ඩව මාස හතක් පුරා ඉහළ යමින් පවතී.

චීනයේ නැගෙනහිර, මධ්‍යම සහ බටහිර කලාපවල ව්‍යාපාරික පරිමාව පිළිබඳ දර්ශක සියල්ලම ඉහළ ගොස් ඇති අතර, ඒවා පිළිවෙළින් 51.3%, 51.2% සහ 51.7%ක් ලෙස වාර්තා විය.

දුම්රිය ප්‍රවාහනය, මාර්ග ප්‍රවාහනය සහ තැපැල් හා කඩිනම් බෙදාහැරීමේ සේවාවල ව්‍යාපාරික පරිමාව පිළිබඳ දර්ශක ද පෙර මාසයට සාපේක්ෂව පිළිවෙළින් ප්‍රතිශතාංක 0.5කින්, 0.8කින් සහ 0.3කින් ඉහළ ගොස් තිබේ.