ඇමරිකාව සහ ඉරානය අතර පළමු අදියරේ අවබෝධතා ගිවිසුම අත්සන් කිරීම ආතතීන් ලිහිල් කරමින් සටන් විරාම හැකියාව තහවුරු කිරීම සඳහා ධනාත්මක වැදගත්කමක් ලබා දෙන බව චීන විදේශ අමාත්‍යාංශයේ ප්‍රකාශක Lin Jian මහතා ප්‍රකාශ කරයි. ඔහු මෙසේ ප්‍රකාශ කළේ ඊයේ(18) බෙයිජිංහි පැවති මාධ්‍ය හමුවකදී මාධ්‍යවේදියෙකු නැගූ අදාළ ප්‍රශ්නයට පිළිතුරු දෙමිනි.
ඇමරිකාව සහ ඉරානය අතර පළමු අදියරේ අවබෝධතා ගිවිසුම අත්සන් කිරීම චීනය පිළිගන්නා අතර එම රටවල් ඇතුළු සියලු අදාළ පාර්ශ්වයන් ගිවිසුමේ ජීවගුණය ආරක්ෂා කර සිය පොරොන්දු අවංකව ඉටු කරනු ඇතැයි බලාපොරොත්තු වේ. බලහත්කාරයෙන් ගැටලු විසඳිය නොහැක. සමාන සාකච්ඡා නිවැරදි මාර්ගයය. ඇමරිකාව සහ ඉරානය තාර්කික සහ ප්‍රායෝගික ආකල්පයකින් සාකච්ඡාවල දෙවන අදියරට පිවිසෙමින්, එහි ධනාත්මක ප්‍රතිඵලයක් සඳහා එක්ව උත්සාහ කරනු ඇතැයි චීනය අ‍‍පේක්ෂා කරන බව ද Lin Jian මහතා ප්‍රකාශ කළේය.
About The Author
More Stories
APEC නායක සමුළුවේ මාධ්‍ය මධ්‍යස්ථාන වෙබ්අඩවිය නිල වශයෙන් ක්‍රියාත්මක කෙරේ
දැඩි විනයකින් යුත් චීන කොමියුනිස්ට් පක්ෂ පාලනය පිළිබඳ ගෝලීය සංවාද මාලාව ආසියානු රටවල පැවැත්වේ
මධ්‍යගත ප්‍රජාතන්ත්‍රවාදය: චීනයට ආවේණික පාලන ක්‍රමයේ සුවිශේෂී දේශපාලන දැක්ම