ඇමරිකානු ජනාධිපති ඩොනල්ඩ් ට්‍රම්ප් සහ රුසියානු ජනාධිපති ව්ලැඩිමීර් පුටින් ඊයේ(15) ඇලස්කාවේ ඇන්කරේජ් හිදී හමු වී තීරණාත්මක සාකච්ඡාවක් පවත්වා ඇත. නායක දෙපළගේ සාකච්ඡාවේ ප්‍රගතියක් පෙන්නුම් කළ ද එහිදී ගිවිසුමකට එළඹීමට නොහැකි වී ඇති බව වාර්තා වේ.
සාකච්ඡාවෙන් පසුව පැවති ඒකාබද්ධ මාධ්‍ය හමුවකදී, ඩොනල්ඩ් ට්‍රම්ප් මහතා පැවසුවේ බොහෝ කරුණු පිළිබඳව එකඟතාවයකට එළඹ ඇති බවත්, විධිමත් ගිවිසුමක් ඇති නොවුවද සාකච්ඡාවෙන් යම් ප්‍රගතියක් ලබා ගත් බවය. එමෙන්ම යුක්රේනයේ ආරක්ෂාව සහතික කළ යුතු බවට තමා එකඟ වූ බව පැවසූ ව්ලැඩිමීර් පුටින් මහතා, ඇති වූ එකඟතා තුළින් සාමය කරා ගමන් කිරීමට හැකියාව ලැබෙනු ඇතැයි ද සඳහන් කළේ ය. මෙම සාකච්ඡාව යුක්රේන ගැටලුව විසඳීම පමණක් නොව රුසියා-ඇමරිකා අතර වෙළඳ කටයුතු සම්බන්ධ ව ද යහපත් තත්ත්වයක් නිර්මාණය කර ගැනීමට මනා ආරම්භයක් වනු ඇති බව ව්ලැඩිමීර් පුටින් මහතා පවසා සිටියේය. එමෙන්ම කඩිනමින් යුක්රේන ජනාධිපතිවරයා සහ යුරෝපීය නායකයින් සමග ද සාකච්ඡා සිදු කරන බව ඩොනල්ඩ් ට්‍රම්ප් පවසා තිබේ.
About The Author
More Stories
APEC නායක සමුළුවේ මාධ්‍ය මධ්‍යස්ථාන වෙබ්අඩවිය නිල වශයෙන් ක්‍රියාත්මක කෙරේ
දැඩි විනයකින් යුත් චීන කොමියුනිස්ට් පක්ෂ පාලනය පිළිබඳ ගෝලීය සංවාද මාලාව ආසියානු රටවල පැවැත්වේ
මධ්‍යගත ප්‍රජාතන්ත්‍රවාදය: චීනයට ආවේණික පාලන ක්‍රමයේ සුවිශේෂී දේශපාලන දැක්ම