චීන ඊජිප්තු සම්බන්ධතාවය ගොඩනැගීමේ 70වන සංවත්සරය වෙනුවෙන් දෙරට ජනපතිවරුන්ගෙන් සුබ පැතුම්

චීනය හා ඊජිප්තුව අතර රාජ්‍යතාන්ත්‍රික සම්බන්ධතාවය ගොඩනැගීමේ 70වන සංවත්සරය සැමරීම සඳහා චීන ජනාධිපති ෂී ජින්පිං මහතා සහ ඊජිප්තු ජනාධිපති Abdul Fatah Al－Sisi මහතා ඊයේ(30) සුබ පැතුම් පණිවිඩ හුවමාරු කර ගත්හ.

චීන-ඊජිප්තු සබඳතා වර්ධනයට තමා විශාල වැදගත්කමක් ලබා දෙන අතර, රාජ්‍යතාන්ත්‍රික සම්බන්ධතාවය ගොඩනැගීමේ 70 වන සංවත්සරය නව ආරම්භයක් ලෙස ගනිමින් සාම්ප්‍රදායික මිත්‍රත්වය උරුම කර ගෙන විවිධ ක්ෂේත්‍රවල හුවමාරු සහ සහයෝගීතාව ශක්තිමත් කිරීමට බලාපොරොත්තු වන බව ෂී ජින්පිං ජනාධිපතිවරයාගේ සුබ පැතුම් පණිවිඩයේ දැක්වේ. ජනාධිපති Abdul Fatah Al－Sisi මහතා සමග චීන-ඊජිප්තු සබඳතාවේ වැඩි උපායමාර්ගික මග පෙන්වීමක්, සංවර්ධන සහයෝගීතාවයක් සහ ජාත්‍යන්තර බලපෑමක් ප්‍රවර්ධනය කිරීමට තමා කැමැත්තෙන් සිටින බව ද ඔහු කියාසිටියේය. එසේම දෙරටේ ජනතාවට වඩා වැඩි ප්‍රතිලාභ ගෙන දෙමින් ජාත්‍යන්තර හා කලාපීය සාමය සහ සංවර්ධනය සඳහා වැඩි දායකත්වයක් ලබා දීමට අපේක්ෂා කරන බව ද චීන ජනාධිපතිවරයාගේ සුබ පැතුම් පණිවිඩයේ සඳහන් වේ.

ඊජිප්තු-චීන සබඳතාව ලබා ඇති වැදගත් ජයග්‍රහණ සඳහා ඊජිප්තු ජනාධිපති Abdul Fatah Al－Sisi මහතා සිය සුබ පැතුම් පණිවිඩයෙන් ප්‍රශංසා පළ කළේය. ද්විපාර්ශ්වික සබඳතාව වඩාත් ඵලදායී ප්‍රතිඵල අත්කර ගැනීම ප්‍රවර්ධනය කරමින් ගෝලීය අභියෝගවලට මුහුණ දීමේ හැකියාව ඇති, වඩාත් ස්ථාවර බහුධ්‍රැවීය ලෝකයක් ඒකාබද්ධව ගොඩනැගීමට ජනාධිපති ෂී ජින්පිං මහතා සමග කටයුතු කිරීමට බලාපොරොත්තු වන බව ද ඔහු පැවසීය. ඒ තුළින් විවිධ රටවලට සංවර්ධනයේ ප්‍රතිඵල පොදුවේ බෙදා ගෙන, සාමය සහ ආරක්ෂාව ඒකාබද්ධව සාක්ෂාත් කර ගැනීමට හැකි වනු ඇතැයි අපේක්ෂා කරන බව ද ඊජිප්තු ජනාධිපතිවරයා පවසා ඇත.

චීන අගමැති ලී ච්‍යං මහතා සහ ඊජිප්තු අගමැති Mostafa Madbouly මහතා ද සුබ පැතුම් පණිවිඩ හුවමාරු කර ගෙන ඇත.