චීන අගමැති ලී ච්යං මහතා දකුණු අප්රිකාවේ ජොහැන්නස්බර්ග් හිදී ඊයේ(22) පැවති G20 කණ්ඩායමේ නායකයින්ගේ 20වන සමුළුවේ ප්රථම අදියරේ සැසිවාරයට සහභාගි වෙමින් දේශනයක් පැවැත්වීය. “පොදු සහභාගිත්වයෙන් යුතු තිරසර ආර්ථික වර්ධනය” එහි ප්රධාන තේමාවයි.
වත්මන් ලෝක ආර්ථිකය නැවතත් ඒකපාර්ශ්වවාදය, ආරක්ෂණවාදය, විවිධ ආර්ථික හා වෙළඳ සීමාවන් සහ ගැටුම් වැඩි වීම වැනි අභියෝග රැසකට මුහුණ දෙමින් සිටින බව ලී ච්යං මහතා එහිදී පෙන්වා දුන්නේය. පවතින ගැටළුවලට මුහුණ දෙන G20 කණ්ඩායම, ඒ සඳහා විසඳුම් ගවේෂණය කරමින් යළි සියලු පාර්ශ්වයන්ගේ එකමුතුවෙන් සහයෝගිතා පැවැත්වීම ප්රවර්ධනය කළ යුතු බව ද ඔහු අවධාරණය කළේය.
චීනය “අප්රිකාවේ සහ ඌණ සංවර්ධිත රටවල කාර්මිකකරණයට සහාය වීම සඳහා G20 මුලපිරුම ක්රියාත්මක කිරීමේ චීනයේ ක්රියාමාර්ග” නිකුත් කර තිබේ. එමගින් සංවර්ධනය වෙමින් පවතින රටවල ණය අනුපාතය අඩු කිරීම සඳහා චීනය සහාය වනු ඇත. එසේම චීනය සහ දකුණු අප්රිකාව එක්ව “අප්රිකාවේ නවීකරණයේ සහයෝගීතාවයට සහාය වීමේ මුලපිරුම” යෝජනා කර ඇති අතර විවිධ රටවල පොදු සංවර්ධනය ප්රවර්ධනය සඳහා ගෝලීය සංවර්ධන ආයතනයක් ස්ථාපිත කිරීමට චීනය සූදානමින් සිටින බව ද චීන අගමැතිවරයා සඳහන් කළේය.
සැසිවාරයෙන් අනතුරුව පැවති මාධ්ය හමුවේදී, සමුළුවට සහභාගි වූ විවිධ පාර්ශ්වයන් මූලික න්යාය පත්රය සම්බන්ධයෙන් එකඟතාවකට පැමිණ ඇත. එහිදී ‘G20 කණ්ඩායමේ නායකයින්ගේ ජොහැන්නස්බර්ග් සමුළුවේ ප්රකාශනය’ සම්මත කෙරිණ. G20 සමුළුව ආරම්භක දිනයේදී ඒකාබද්ධ ප්රකාශයක් සම්මත කරගත් පළමු අවස්ථාව මෙයයි.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි