හයිටි රාජ්යයේ දේශපාලන ක්රියාදාමය කඩිනම් කළ යුතු යැයි එක්සත් ජාතීන්ගේ සංවිධානයේ චීන නිත්ය නියෝජිත කණ්ඩායමේ නියෝජ්ය ප්රධානී Sun Lei මහතා පවසයි.
ඔහු එසේ පැවසුවේ හයිටි රාජ්යයේ ප්රශ්නය පිළිබඳව ආරක්ෂක මණ්ඩලයේ පසුගියදා(21) පැවති විවෘත රැස්වීම අමතමිනි.
නීත්යනුකූල, ඵලදායි, වගකියන රජයක් ස්ථාපිත කිරීම, හයිටි රාජ්යය වත්මන් අර්බුදයෙන් මුදවා ගැනීමට ඇති එකම ප්රවේශය බව ඔහු පෙන්වා දී තිබේ. හයිටි රාජ්යයේ ක්රියාත්මක විවිධ පක්ෂ රටේ අනාගතය හා ජනතාවගේ අවශ්යතාව සැලකිල්ලට ගෙන සමගිය තහවුරු කරමින්, ස්ථාවරත්වය යළි සහතික කිරීම, මැතිවරණ ක්රියාවලිය ඉදිරියට ගෙන යාම හා කළමනාකරණය ශක්තිමත් කිරීම පිළිබඳ පොදු අදහස් එක්රැස් කිරීමෙහි නියැළී සිටිය යුතු බව ද ඔහු කියාසිටියේය. දේශපාලන ක්රියාදාමය කඩිනම් කිරීමට ආරක්ෂක මණ්ඩලය, කලාපීය රටවල් හා ජගත් ප්රජාව එරට විවිධ පාර්ශ්වයන්ට පැහැදිලි සංඥාවක් නිකුත් කිරීමේ අවශ්යතාවය ද ඔහු පෙන්වා දී තිබේ.
හයිටි රාජ්යයට අවි ආයුධ සපයන රටවල්, සිය දේශසීමා පාලනය හා අවි පාලනය අතින් ප්රායෝගික පියවර ගනිමින් නීති-විරෝධී අවි ආයුධ හයිටි රාජ්යයට ගලා යාමේ මූලයන් විනාශ කළ යුතු බව ද චීන නියෝජිතයා වැඩිදුරටත් ප්රකාශ කර ඇත.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි