විදේශීය

බහුපාර්ශ්වික මෙන්ම කලාපීය ආර්ථික සහ වෙළඳ සහයෝගීතාව ශක්තිමත් කිරීම සඳහා ඇමරිකාව සමග කටයුතු කිරීමට චීනය සූදානම් — චීන වාණිජ ඇමති

චීන වාණිජ අමාත්‍ය Wang Wentao මහතා ඊයේ(26) ඇමරිකානු වෙළඳ නියෝජිත Jamieson Greer මහතා හමුවිය. ඒ කැමරූන් අගනුවර වන Yaoundéහි පැවති ලෝක වෙළඳ සංවිධානයේ 14වැනි අමාත්‍ය සමුළුව අතරතුරදීය.

ඇමරිකාව සමග බහුපාර්ශ්වික මෙන්ම කලාපීය ආර්ථික සහ වෙළඳ සහයෝගීතාව ශක්තිමත් කිරීමටත්, ලෝක වෙළඳ සංවිධානයේ ප්‍රතිසංස්කරණ ඒකාබද්ධව ප්‍රවර්ධනය කිරීමටත් චීනය කැමැත්තෙන් සිටින බව Wang Wentao මහතා එහිදී අවධාරණය කළේය. එමෙන්ම, ලෝක වෙළඳ සංවිධානයේ 14වැනි අමාත්‍ය සමුළුවේ ප්‍රායෝගික ප්‍රතිඵල ප්‍රවර්ධනය කිරීමට සහ APEC හා G20 සමුළුවල ධනාත්මක ප්‍රතිඵල සඳහා සහාය වීමට චීනය ඇමරිකාව සමග කටයුතු කිරීමට කැමැත්තෙන් සිටින බව ඔහු පැවසීය.

මේ අතර, ඊනියා “අධික නිෂ්පාදන ධාරිතාව” සහ “බලහත්කාර ශ්‍රමය සම්බන්ධ නිෂ්පාදන ආනයනය තහනම් නොකිරීම” යන පදනම මත චීනය ඇතුළු ආර්ථිකයන් කිහිපයකට එරෙහිව ඇමරිකාව 301 වගන්තියේ විමර්ශනයක් දියත් කිරීම පිළිබඳව ද Wang Wentao මහතා බරපතල කනස්සල්ල පළ කළේය.

ලෝක වෙළඳ සංවිධානය සහ කලාපීය රාමු තුළ චීනය සමග සන්නිවේදනය සහ හුවමාරු ශක්තිමත් කිරීමට ඇමරිකාව කැමැත්තෙන් සිටින බව ද Greer මහතා එහිදී ප්‍රකාශ කළේය.