විදේශීය

චීන ආර්ථිකයේ ස්ථාවර හා ප්‍රගතිශීලී සංවර්ධන ප්‍රවණතාවක් පෙන්නුම් කරයි

2026 වසරේ මැයි මාසය අවසන් වන විට චීනයේ විදේශ විනිමය සංචිතය ඇමරිකානු ඩොලර් බිලියන 3,442.2 ක් විය. අප්‍රේල් මාසයේ අවසානයට සාපේක්ෂව එය ඩොලර් බිලියන 31.7 කින් වැඩි වූ අතර එය 0.93% ක ඉහළ යාමකි. චීනයේ විදේශ විනිමය පිළිබඳ රාජ්‍ය පරිපාලනය ඊයේ (07) නිකුත් කළ සංඛ්‍යාලේඛන මේ බව පෙන්නුම් කර තිබේ.

අදාළ දත්තයන්ට අනුව චීන ආර්ථිකය ස්ථාවර හා ප්‍රගතිශීලී සංවර්ධන ප්‍රවණතාවක් පවත්වා ගෙන යන බව චීනයේ විදේශ විනිමය පිළිබඳ රාජ්‍ය පරිපාලනය ප්‍රකාශ කළේය. උසස් තත්ත්වයේ සංවර්ධනයේ ශක්තිමත් ප්‍රගතිය චීනයේ විදේශ විනිමය සංචිතවල මූලික ස්ථාවරත්වය පවත්වා ගැනීම සඳහා සහාය ලබා දී ඇති බව ද එම ආයතනය වැඩිදුරටත් පෙන්වා දී තිබේ.