විදේශීය

ඇමරිකාව ඊනියා හේතුවක් මත චීනය‍ට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්‍රති පියවර ගන්නා බව‍ට චීනයෙන් ප්‍රකාශයක්

ඇමරිකාව ඊනියා හේතුවක් මත චීනය‍ට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්‍රති පියවර ගන්නා බව චීනය පවසයි.

චීනය ඉරානයට හමුදා සහාය ලබා දීම පිළිබඳ වාර්තාවක් සම්බන්ධයෙන් ඇමරිකා ජනාධිපති Donald Trump ප්‍රකාශ කළේ එවැන්නක් සිදු වුවහොත් චීන භාණ්ඩ සඳහා 50% ක තීරු බද්දක් පනවන බවය. ඒ පිළිබඳව චීන වි‍දේශ අමාත්‍යාංශ ප්‍රකාශක Guo Jiakun මහතා ඊයේ (14) පැවති නිත්‍ය මාධ්‍ය හමුවේදී අදාළ විමසුමකට පිළිතුරු දෙමින් චීනයේ ප්‍රතිචාරය දැක්වීය.

අවි අපනයන පාලන‍යේදී චීනය සැමවිට ම ප්‍රවේශම් සහ වගකිවයුතු ආකල්පයක සිට අදාළ ජාතික නීති සහ ජාත්‍යන්තර බැඳීම්වලට අනුකූලව දැඩි පාලනයකින් යුතුව ක්‍රියා කරන බව ඔහු අවධාරණය කළේය. අදාළ වාර්තා පදනම් විරහිත බව ද ඔහු පෙන්වා දුන්නේය. ඇමරිකාව එය ඊනියා හේතුවක් ලෙසට ගෙන චීනයට එරෙහිව තීරු බදු පැනවුවහොත් චීනය ඊ‍ට එරෙහිව දැඩි ප්‍රති පියවර ගනු ඇතැයි ද Guo Jiakun මහතා කියා සිටියේය.