චීන විදේශ අමාත්‍යාංශයේ දේශසිමා මායිම් හා මුහුදු කටයුතු කාර්යාලයේ ප්‍රධානියා අද (21) චීනයේ සිටින පිලිපීන තානාපතිවරයා කැඳවා තිබේ. චීනයේ Nansha දූපත් සමූහයේ Ren’ai ගල්පරය අසල මුහුදු ප්‍රදේශයේදී පිලිපීන නෞකාවක් ප්‍රකෝපකාරීව හැසිරෙමින් චීන නීති ක්‍රියාත්මක නිලධාරීන්ට ප්‍රහාර එල්ල කිරීමේ සිද්ධිය සම්බන්ධයෙන් චීනය එහිදී දැඩි විරෝධය පළ කර ඇත.
චීනයේ Nansha දූපතේ කොටසක් වන Ren’ai ගල්පරය, චීන දේශ සීමාවට අයත් කොටසකි. එබැවින් චීන වෙරළාරක්ෂක බලකාය අදාළ ප්‍රදේශයේ නීති ක්‍රියාත්මක කිරීම නීත්‍යනුකූල ක්‍රියාවකි. එවැනි පසුබිමක් තුළ නීති විරෝධී අයුරින් Ren’ai ගල්පරය අසල මුහුදු ප්‍රදේශයේ රැඳී සිටි අදාළ පිලිපීන නෞකාව, ඊට අයත් කුඩා යාත්‍රා දෙකක් ඊයේ (20) දිනයේදී ඒ අසල මුහුදු කලාපය වෙත මුදා හැර අනතුරුදායකව හැසිරෙමින් චීන යාත්‍රාවක ගැටී ද්වේෂ සහගතව චීන නිලධාරීන්ට ප්‍රහාර එල්ල කර ඇත.
කෙසේවෙතත් එම සිද්ධියෙන් අනතුරුව පිලිපීනය සත්‍ය සිදුවීම බැහැර කරමින් චීනය වෙත අසත්‍ය චෝදනා එල්ල කර ඇත. ඒ අනුව ඊට දැඩි විරෝධය පළ කළ චීනය, මෙම ප්‍රකෝප කිරීම් සහ පදනම් විරහිත ප්‍රචාරය නතර කරන ලෙස පිලිපීනයෙන් ඉල්ලා සිටී. එමෙන්ම සිය භෞමික අඛණ්ඩතාව හා සමුද්‍රීය අයිතිවාසිකම් ස්ථිර ලෙස ආරක්ෂා කරමින් ඊට අදාළ නිසි පියවර ගන්නා බව ද චීන විදේශ අමාත්‍යංශනිලධාරියා වැඩිදුරටත් දන්වා ඇත.
About The Author
More Stories
ඇමරිකාවේ භාණ්ඩ මත පනවා ඇති 24%ක අතිරේක තීරුබද්ද තවත් මාස දෙකකට අත්හිටුවීමට චීනයෙන් තීරණයක්
‘පූර්ණ හා දැඩි විනයකින් යුතුව පක්ෂ පාලනය ඉදිරියට ගෙන යාම පිළිබඳ චීන කොමියුනිස්ට් පක්ෂ මධ්‍යම කාරක සභාවේ තීරණය’ට අදාළ කරුණු ඉදිරිපත් කෙරේ
පක්ෂ පාලනය පිළිබඳ චීන කොමියුනිස්ට් පක්ෂ මධ්‍යම කාරක සභාවේ තීරණය සම්බන්ධයෙන් චීන ජනපතිගෙන් පැහැදිලි කිරීමක්