විදේශීය

චීන ජනපතිගේ නියෝග ප්‍රදානයකින් හමුදා නිලධාරීන් දෙදෙනෙකු ජෙනරාල් තනතුරට උසස් කෙරේ

චීන මධ්‍යම හමුදා කොමිසමේ සභාපති ෂී ජින්පිං මහතා, චීන හමුදා නිලධාරීන් දෙදෙනෙකු ජෙනරාල් තනතුරට උසස් කිරීමට අදාළ නියෝග ප්‍රදානය කිරීම අද (22) දින සිදු කෙරිණ.

මෙලෙස උසස්වීම් ලැබූ නිලධාරීන් වන්නේ, චීන මහජන විමුක්ති හමුදාවේ නැගෙනහිර යුද කලාපයේ අණදෙන නිලධාරි Yang Zhibin සහ මධ්‍යම යුද කලාපයේ අණදෙන නිලධාරි Han Shengyan යන මහත්වරුන්ය.

මෙම උසස්වීම් ප්‍රදානය වෙනුවෙන් බෙයිජිංහි උත්සවයක් පැවති අතර, ෂී ජින්පිං මහතා විසින් අත්සන් කරන ලද අදාළ උසස්වීම් නියෝග එහිදී නිවේදනය කරනු ලැබුවේ, චීන මධ්‍යම හමුදා කොමිසමේ උප සභාපති Zhang Youxia මහතා විසිනි.

මධ්‍යම හමුදා කොමිසමේ උප සභාපති Zhang Shengmin මහතා මෙම උත්සවයේ මුලසුන දැරීය. උසස්වීම් ලැබූ නිලධාරීන් වෙත සභාපති ෂී ජින්පිං මහතා සිය සුබ පැතුම් ද එක් කළේය.