බ්‍රිතාන්‍ය අගමැතිවරයාගේ චීන සංචාරයෙන් සාර්ථක ප්‍රතිඵල - චීන විදේශ අමාත්‍යාංශය

බ්‍රිතාන්‍ය අගමැතිවරයාගේ චීන සංචාරයෙන් සාර්ථක ප්‍රතිඵල ලබා‍ ගෙන ඇතැයි චීන විදේශ අමාත්‍යාංශය පවසයි. චීන විදේශ අමාත්‍යාංශයේ ප්‍රකාශක Guo Jiakun මහතා අද(30) මේ බව සඳහන් කළේය. චීන ජනාධිපති ෂී ජින් පිං මහතා ඊයේ(29) බ්‍රිතාන්‍ය අගමැති Keir Starmer මහතා හමුවිය. චීන-බ්‍රිතාන්‍ය සබඳතා සහ සහයෝගීතාවයේ නව පරිච්ඡේදයක් විවෘත කිරීම සඳහා, දෙරට අතර දිගුකාලීන, ස්ථාවර සහ පුළුල් උපායමාර්ගික හවුල්කාරිත්වයක් වර්ධනය කළ යුතු බවට දෙරටේ නායකයෝ එහිදී එකඟ වූහ.

එසේම චීන අගමැති Li Qiang මහතා සහ චීන ජාතික මහජන කොංග්‍රසයේ ස්ථාවර කමිටුවේ සභාපති Zhao Leji මහතා බ්‍රිතාන්‍ය අගමැතිවරයා වෙන් වෙන් වශයෙන් හමුවී සාකච්ඡා පැවැත්විය. චීනය සහ බ්‍රිතාන්‍යය අතර විවිධ ක්ෂේත්‍රවල ප්‍රායෝගික සහයෝගීතාව වර්ධනය කිරීම සහ දෙරටේ ව්‍යවස්ථාදායක ආයතන අතර හුවමාරු නැවත ආරම්භ කිරීම පිළිබඳව ඔවුන් පුළුල් ලෙස අදහස් හුවමාරු කර ඇති බව Guo Jiakun මහතා පැවසීය.

මෙය වසර අටකට පසු බ්‍රිතාන්‍ය අගමැතිවරයකු චීනයේ සිදු කළ පළමු සංචාරය වන අතර, Keir Starmer මහතා නව වසර ආරම්භයේදී චීනය පිළිගත් එක්සත් ජාතීන්ගේ ආරක්ෂක මණ්ඩලයේ නිත්‍ය සාමාජික රටක පළමු නායකයා ද වේ. මෙම සංචාරයෙන් සාර්ථක ප්‍රතිඵල ලබා ගත් අතර, දෙරට අතර සහයෝගීතාවයේ ශක්තිය මින් පෙන්නුම් කර ඇති බව ද Guo Jiakun මහතා එහිදී සඳහන් කර ඇත.