බ්රිතාන්ය අගමැති Keir Starmer මහතා ගේ චීන නිල සංචාරය අතරතුර දෙරට අතර ඵලදායී එකඟතා රැසකට පැමිණ තිබෙනවා.
චීන-බ්රිතාන්ය දීර්ඝකාලීන හා ස්ථාවර පුළුල් උපායමාර්ගික හවුල්කාරිත්වය සංවර්ධනය කිරීමෙහි නිරත වීමටත් චීන-බ්රිතාන්ය ඉහළ පෙළේ දේශගුණික හා ස්වාභාවික හවුල්කාරිත්වය ගොඩනැගීමටත් දෙපාර්ශ්වය එහිදී එකඟ වී ඇති බවයි වාර්තා වන්නේ.
මේ අතර චීන-බ්රිතාන්ය උසස් මට්ටමේ ආරක්ෂණ සංවාදය යළි ආරම්භ කිරීමටත් මෙම වසර තුළ නව වටයේ උපායමාර්ගික සංවාදය, ආර්ථික හා මූල්ය සංවාදය සහ ආර්ථික හා වෙළඳ ඒකාබද්ධ කොමිසම් රැස්වීම යනාදී ආයතනික සංවාද පැවැත්වීමටත් දෙපාර්ශ්වය තීරණය කර තිබෙනවා.
චීන-බ්රිතාන්ය ව්යාපාරික කවුන්සිලයේ රැස්වීමක් පවත්වා ද්විපාර්ශ්වික වෙළඳ සහ ආයෝජන සහයෝගිතාව තවදුරටත් ශක්තිමත් කිරීමට එකඟත්වය පළ වුණා.
දෙරටේ නායකයන් ඉදිරියේ ආර්ථික හා වෙළඳ, කෘෂිකාර්මික හා ආහාර සහ සංස්කෘතික යනාදී ක්ෂේත්රවල අන්තර් රාජ්ය සහයෝගිතා ලියවිලි 12කට අත්සන් තැබුණා. එසේම දෙපාර්ශ්වය මූල්ය, සෞඛ්ය, මාධ්ය සහ අධ්යාපන යන ක්ෂේත්රවල සහයෝගිතා ගිවිසුම් කිහිපයකට ද එළඹි බවයි වාර්තා වන්නේ.
About The Author
More Stories
චීන හා වියට්නාම ජනපති ආර්යාවෝ චීන ජාතික මහා රඟහල නරඹති
ඇමරිකාව ඊනියා හේතුවක් මත චීනයට එරෙහිව තීරු බදු පැනවුවහොත් ඒ සම්බන්ධයෙන් දැඩි ප්රති පියවර ගන්නා බවට චීනයෙන් ප්රකාශයක්
ඉරාන වරායන්ට ඇතුළු වන සහ පිටවන නෞකා ඇමරිකාව අවහිර කිරීම ආතතීන් තවත් උග්ර කරන බව චීනය කියයි