ගෝලීය උපායමාර්ගික සමබරතාව සහ ස්ථාවරත්වය ආරක්ෂා කිරීමට ඇමරිකාව ප්‍රායෝගික ක්‍රියාමාර්ග ගනු ඇතැයි චීනයේ අපේක්ෂාවයි

ජාත්‍යන්තර න්‍යෂ්ටික නිරායුධකරණය සහ න්‍යෂ්ටික අවි ව්‍යාප්ත නොකිරීමේ තන්ත්‍රය ආරක්ෂා කිරීම සඳහා ඇමරිකාව ප්‍රායෝගික ක්‍රියාමාර්ග ගැනීමට බලාපොරොත්තු වන බව චීන විදේශ අමාත්‍යාංශය පවසයි.

එහි ප්‍රකාශක Guo Jiakun මහතා ඊයේ(30) පැවති මාධ්‍ය හමුවේදී ඇමරිකානු ජනාධිපති ඩොනල්ඩ් ට්‍රම්ප් ගේ න්‍යෂ්ටික අවි පිළිබඳ ප්‍රකාශය සම්බන්ධයෙන් මාධ්‍යවේදීන් නැගූ ප්‍රශ්නයකට පිළිතුරු දෙමින් මේ බව පැවසීය.

විස්තීර්ණ න්‍යෂ්ටික පරීක්ෂණ තහනම් ගිවිසුම යටතේ ඇති වගකීම සහ න්‍යෂ්ටික අත්හදා බැලීම් අත්හිටුවීමට ඇති කැපවීමට ඇමරිකාව අවංකවම අනුකූල වනු ඇතැයි චීනය අපේක්ෂා කරන බව ද Guo Jiakun මහතා එහිදී කියා සිටියේය.

About The Author