උතුරු කොරියාවේ කම්කරු පක්ෂයේ 80 වන සංවත්සර සැමරුම් වෙනුවෙන් සහභාගී වීමට සහ එරට නිල සංචාරයක් සඳහා චීන අග්රාමාත්ය Li Qiang මහතා එක් වීමට නියමිත ය. ඒ එළඹෙන ඔක්තෝබර් 9 සිට 11 දක්වා කාලය තුළදී ය.
කොරියානු කම්කරු පක්ෂයේ මධ්යම කාරක සභාවේ සහ එරට රජයේ ආරාධනාවෙන් අගමැතිවරයා මෙම සංචාරයට එක් වන බව චීන විදේශ අමාත්යාංශ ප්රකාශකයෙක් අද(07) ප්රකාශ කළේය. චීන කොමියුනිස්ට් පක්ෂයේ මධ්යම කාරක සභාවේ දේශපාලන කාර්යාංශයේ ස්ථාවර කමිටුවේ සාමාජිකයෙකු ද වන Li Qiang මහතා මෙම සංචාරයට එක්වන චීන නියෝජිත පිරිස මෙහෙයවනු ඇති බව එම ප්රකාශකයා පැවසීය.
මෙවර අගමැතිවරයාගේ සංචාරය අවස්ථාවක් ලෙස ගෙන, පක්ෂ දෙකේ සහ දෙරට උත්තරිතර නායකයින්ගේ වැදගත් එකඟතාවයේ මඟ පෙන්වීම යටතේ, උපායමාර්ගික සන්නිවේදනය හා සහයෝගීතාව ශක්තිමත් කරමින් චීන-උතුරු කොරියානු සාම්ප්රදායික මිත්රශීලී සහයෝගී සබඳතාව අඛණ්ඩව ඉදිරියට ගෙන යාමට උතුරු කොරියාව සමග එක්ව උත්සාහ කිරීමට චීනය කැමැත්තෙන් සිටින බව ද එම ප්රකාශකයා පැවසීය.
About The Author
More Stories
චීන මහජන දේශපාලන උපදේශක සභාවේ 14වැනි ජාතික කමිටුවේ සිව්වන සැසිවාරය පිළිබඳ මාධ්ය හමුව මාර්තු 3වැනිදා පැවැත්වේ
මැද පෙරදිග ප්රදේශයේ තත්ත්වය පිළිබඳව චීන-රුසියානු විදේශ අමාත්යවරුන් අතර දුරකථන සාකාච්ඡාවක්
ඉරාන උත්තරීතර නායකයා ඝාතනය කිරීම චීනය දැඩිව හෙළා දකී